Родная мова – гэта частка культурнага і духоўнага багацця, яна фарміруе нашу самасвядомасць і адрознівае нас ад іншых народаў. Беларуская мова – гэта не проста сродак зносін. Гэта жывы звязак з гісторыяй і культурай, мова вялікіх асветнікаў і паэтаў. Яна нясе ў сабе мудрасць продкаў і творчую энергію сучасных аўтараў.
21 лютага мы са ўсім светам будзем адзначаць Міжнародны дзень роднай мовы. Віртуальная выстава “Чарую душу родным словам” створана, каб паказаць багацце і прыгажосць беларускага слова.
 |
Багдановіч, М. А. Выбраныя творы / Максім Багдановіч ; [рэдактар А. В. Спрынчан ; уступнае слова Алесь Бадак]. – Мінск : Мастацкая літаратура, 2024. – 254 с.Кнігу склалі выбраныя творы класіка беларускай літаратуры Максіма Багдановіча. |
 |
Дубоўка, У. М. Хай пануе на нашай зямлі супакой… : вершы і паэмы / Уладзімір Дубоўка ; [складальнік С. І. Моўчан]. – Мінск : Беларусь, 2023. – 270 с.У зборнік увайшлі паэтычныя творы класіка беларускай літаратуры Уладзіміра Дубоўкі. |
 |
Міус, Ж. В. Душа жывога : аповесці, апавяданні / Жанна Міус ; [мастак К. А. Задворны]. – Мінск : Звязда, 2025. – 157 с.У зборнік беларускай пісьменніцы Жанны Міус увайшлі як апублікаваныя раней, так і новыя аповесці і апавяданні. Усе яны прысвечаны ўзаемаадносінам людзей і жывёл. |
 |
Глобус, А. Сям’я : раман / Адам Глобус. – Мінск : Мастацкая літаратура, 2017. – 159 с.Новую кнігу сучаснага беларускага літаратара Адама Глобуса склалі найлепшыя словы, напісаныя ім за апошнія гады. Найлепшыя, бо пісаліся яны пра самае дарагое, каштоўнае і важнае, што мае кожны чалавек: пра маці і бацьку, пра брата і сваякоў, пра жонку, дачку, унука. |
 |
Бензярук, А. Р. Галавасек : дакументальная аповесць-эсэ / Анатоль Бензярук. – Мінск : Звязда, 2023. – 237 с.«Трохкутнік» – не геаметрычная фігура, а назва адной з карных аперацый, «расчэрчанай» 15-м паліцэйскім ахоўным палком на палескіх землях восенню 1942 года. Падчас гэтай аперацыі была знішчана вёска Драмлёва – адна са шматлікіх беларускіх Хатыняў. Кніга распавядае пра лёсы драмлёўцаў, якія згарэлі ў тым попельным верасні, калі адзначалася трагічнае свята Галавасек. |
 |
Хвалей, Я. І. Даруй, каханая… : раман, апавяданні, эсэ / Яўген Хвалей. – Мінск : Чатыры чвэрці, 2023. – 195 с.Падчас кавіду галоўны герой рамана, рэжысёр тэлебачання Юрась, цяжка хварэе і ў адчаі разважае: “Вось і прыйшла помста… Не так жыў, як людзі павінны жыць… Даруйце, мае любыя жанчыны… Калі гэта можна дараваць…” Аднак сапраўднае каханне можа здарыцца толькі раз. Трэба не прапусціць гэты лёсавызначальны момант… |
 |
Рублеўская, Л. І. Ночы на Плябанскіх млынах : раман, аповесць, апавяданні / Людміла Рублеўская. – Мінск : Мастацкая літаратура, 2013. – 525 с.У кнігу вядомай пісьменніцы Людмілы Рублеўскай увайшлі гатычны раман “Скокі смерці”, у якім журналістка Ганна Барэцкая і рэстаўратар Юрась Дамагурскі разгадваюць таямніцу сярэдневечных гадзіннікаў, аповесць “Ночы на Плябанскіх млынах”, дзе міфы і легенды Мінска пераплятаюцца ў запамінальную містычна-рамантычную карціну, цыкл “Старасвецкія міфы горада Б*”, што спалучае антычныя міфы і рэаліі старасвецкага беларускага мястэчка, а таксама апавяданні, у якіх дзейнічаюць і паўстанцы Каліноўскага і Касцюшкі, і нашы сучаснікі. |
 |
Корнева, П. Д. Запіскі юнай хірургіні : апавяданні / Паліна Корнева. – Мінск : Звязда, 2025. – 181 с.“Запіскі юнай хірургіні” – кніга маладой аўтаркі і будучага доктара. Змешчаныя ў зборніку апавяданні шчыра раскрываюць медыцынскі свет з некалькіх ракурсаў : як вачамі простага чалавека, так і дзяўчыны, што выбрала для сябе адну з самых складаных прафесій. |
 |
Якімовіч, А. М. Жылі-былі літары… : займальныя гісторыі пра літары беларускага алфавіта / Аляксей Якімовіч. – Мінск : Беларусь, 2024. – 156 с.У кнізе сабраны па тры казкі пра кожную літару беларускага алфавіта. Іх галоўныя героі – хлопчыкі Міколка і Васілёк, Сінічка і Верабейка, чорны мураш Чарныш і рыжы мураш Рыжык. |
 |
Пазнякоў, М. Мая цудоўная Радзіма : вершы / Міхась Пазнякоў ; мастак Святлана Стахоўская. – Мінск : Звязда, 2025. – 158 с.Новую кнігу вядомага пісьменніка, лаўрэата Нацыянальнай літаратурнай прэміі, заслужанага дзеяча культуры Рэспублікі Беларусь Міхася Пазнякова склалі вершы пра самае галоўнае ў жыцці чалавека. Паэт апявае Радзіму, нашы дзяржаўныя сімвалы, багацце і прыгажосць роднай зямлі, услаўляе мужнасць і працавітасць людзей, прыгожыя мары і памкненні, вучобу і добрыя справы хлопчыкаў і дзяўчынак. |
