17 лютага ў бібліятэцы-філіале №1 прайшло пасяджэнне клуба “Олимп” – чароўны квадрат “З любоўю да роднага слова”, прысвечанае Міжнароднаму дню роднай мовы. У гэты дзень усе мовы прызнаюцца роўнымі, таму што кожная з іх унікальным чынам адпавядае прызначэнню чалавека, кожная ўяўляе жывую спадчыну, да якой мы павінны сур’ёзна ставіцца і аберагаць.
Беларуская мова – адна з самых старажытных і прыгожых славянскіх моў. З ёй непарыўна звязана імя сусветна вядомага земляка – першадрукара Францыска Скарыны. У пачатку мерапрыемства бібліятэкар нагадала вучням 3 “Г” класа ДУА “Сярэдняя школа №18 г.Пінска”, якую вялікую ролю ў развіцці старажытнай беларускай мовы адыграла ўзнікненне кнігадрукавання. Вялікую зацікаўленасць у дзяцей выклікалі розныя заданні, якія “схаваліся” ў чароўным квадраце мультымедыйнай прэзентацыі, а гэта дзевяць захапляльных заданняў-гульняў: “Назаві адным словам”, “Наадварот”, “Сказы-жартаўнікі”, “Літара заблудзілася”. Разгадаўшы рэбусы дзеці даведаліся пра беларускую раку Прыпяць, і што самага вядомага ката з беларускай казкі клічуць Максім. Хлопчыкі і дзяўчынкі паказалі добрыя веды загадак і прыказак на роднай мове, а таксама выдатна напісалі імправізаваны школьны дыктант.
Цёплая і душэўная сустрэча прайшла на адным дыханні. Чароўны квадрат удзельнікі мерапрыемства разгадалі і даказалі, што мы любім і ведаем сваю родную мову!
