Кніжная выстава-прапанова «Беларускія сучасныя пісьменнікі – дзецям»

Міус, Ж. В. Казачныя ночы Барвулі : [казкі / Жанна Міус ; [мастак С. І. Стахоўская]. – Мінск : Беларусь, 2023. – 59, [4] с.

Беларускую пісьменніцу Жанну Міус аднолькава любяць як дзеці, так і дарослыя, бо яна з лёгкасцю можа рассмяшыць, захапіць і зачараваць сваімі творамі і тых, і другіх. У кніге “Казачныя ночы Барвулі” вы сустрэнеце незвычайных дзівосных персанажаў. Тут нясумна праводзіць ночы маладзенькая цікаўная асінка Барвуля. Яна ўважліва слухае захапляльныя гісторыі сваіх старэйшых лясных суседзяў – Шэрага Каменю, цётухны Хвоі і пня Дубадума. А ўдзень з нявыхаванымі хлопчыкамі, якія прыходзяць па грыбы і паводзяць сябе абуральна, здараюцца чарадзейныя пераўвасабленні, і дзеці нават трапляюць у загадкавае… Грыбадзіўе.

Жабко, Я. Г. Загадкі казачнай хаткі : [для дзяцей дашкольнага і малодшага школьнага ўзросту] / Яніна Жабко ; [мастак Ала Пашкевіч]. – Мінск : Беларуская Энцыклапедыя, 2014. – 22, [1] с.

“Загадкі казачнай хаткі” – гэта кніга вершаваных дзіцячых загадак беларускай пісьменніцы Яніны Жабко. У выданні сабраны займальныя рыфмаваныя пытанні, якія дапамагаюць дзецям развіваць лагічнае мысленне, знаёмячы іх з рознымі прадметамі, жывёламі або казачнымі персанажамі ў гульнявой форме.

Бярэзіна, Т. І. Янка едзе на кані : вершы / Тамара Бярэзіна ; мастак Дар’я Бярэзіна. – Мінск : Мастацкая літаратура, 2025. – [21] c.

“Янка едзе на кані” – кніга вершаў Таццяны Бярэзінай, прызначаная для дзяцей. Зборнік змяшчае паэтычныя творы, якія адрозніваюцца лёгкасцю і блізкасцю да дзіцячага ўспрымання свету. Вершы ў выданні вылучаюцца даступнай мовай і цікавымі сюжэтамі.

Хадасевіч-Лісавая, К. С. Знаёмцеся – #Падабай.к@! : [казка / Кацярына Хадасевіч-Лісавая ; [мастак В. Лапіна]. – Мінск : Звязда, 2020. – 45, [2] с.

Вы хацелі б мець унікальны гаджэт, які ніколі не патрабуе зарадкі, абсалютна не расходуе трафік, не псуе зрок, не “глючыць”. А яшчэ ён дае карысную інфармацыю, вядзе ў свет фантазіі, пашырае слоўнікавы запас…

Увага! Гэты ўнікальны гаджэт вы зараз трымаеце ў руках! Кніжная фея прыдумала і стварыла кнігу, у якой удалося спалучыць экран гаджэта і папяровыя старонкі! Адкладзіце свае смартфоны, сябры, і пазнаёмцеся з сімпатычным віртуальным героем, якога ведае ўвесь свет, а ўвасобіўся ён у новай кнізе беларускай пісьменніцы Кацярыны Хадасевіч-Лісавой.

Стэльмах, А. А. Папяровы самалёцік : [казка] / Алена Стэльмах ; [мастак К. У. Першына]. – Мінск : Мастацкая літаратура, 2023. – [35] с.

“Папяровы самалёцік” – кніга вядомай беларускай дзіцячай пісьменніцы Алены Стэльмах, у якой распавядаецца пра прыгоды герояў, што сутыкаюцца з рознымі жыццёвымі сітуацыямі, вучацца сябраваць і марыць. Гэта твор для дзяцей, які дапамагае развіваць уяўленне і выхоўваць станоўчыя рысы характару.

Баравікова, Р. А. Пра Бусю, які жыве на Беларусі : аповесць-казка / Раіса Баравікова, Уладзімір Ліпскі ; [мастакі: А. Аракчэева і інш.]. – Мінск : Харвест, 2016. – 127 с.

Кніга вядомых пісьменнікаў, лаўрэатаў Дзяржаўнай прэміі Беларусі Раісы Баравіковай і Уладзіміра Ліпскага – для дзяцей, што толькі-толькі пачынаюць адкрываць для сябе сакрэты, прыгажосць і веліч сваёй Айчыны. Аповесць-казка “Пра Бусю, які жыве на Беларусі” не толькі пра птушку – сябра чалавека, а і пра тое, як трэба разумець і берагчы прыроду, будаваць з ёй свае адносіны. Цікавая, займальная энцыклапедыя пра буслоў, слоўнік Бусі і маляванка Бусі – усе гэтыя важныя дапаўненні да кнігі ставяць яе ў разрад калі не падручнікаў, то дапаможнікаў для ўсіх тых, хто выхоўвае нашых маленькіх нашчадкаў.

Калашнікаў, Я. М. Дзе падзеліся цукеркі? : вершы для дзяцей / Яўген Калашнікаў. – Мінск : Беларусь, 2025. – 78, [1] c.

Выданне змяшчае вершы для дзяцей на розную тэматыку, многія з якіх напісаны з гумарам, а таксама ў павучальных мэтах. Сярод прапанаваных твораў ёсць верш “Як размаляваць вясёлку?”, які дапаможа вывучыць на памяць парадак колераў у вясёлцы на беларускай мове.

Зэкаў, А. М. Праўда і лухта пра вусатага ката : вершы / Анатоль Зэкаў. – Мінск : Беларуская Энцыклапедыя імя Петруся Броўкі, 2019. – 31 с. – (Беларускія пісьменнікі – дзецям).

“Праўда і лухта пра вусатага ката” – гэта зборнік вершаў для дзяцей дашкольнага і малодшага школьнага ўзросту, напісаны беларускім паэтам Анатолем Зэкавым. Галоўны герой кнігі паласаты, вусаты, мацёры, хітры і ласкавы Кот.

Пад вокладкай – вершы пра самыя розныя прыгоды ката: ён – пастух і рахункавод, плывец і дрывасек; то палюе на мышэй, то вартуе куранят, то пе- рабіраецца з горкі на горку, то плавае на цеплаходзе, то ходзіць на рыбалку, то сядзіць за камп’ютарам…

Пазнякоў, М. Мая цудоўная Радзіма : вершы / Міхась Пазнякоў ; мастак Святлана Стахоўская. – Мінск : Звязда, 2025. – 158, [1] с.

Кнігу Міхася Пазнякова склалі вершы пра самае галоўнае ў жыцці чалавека – Радзіму. Паэт апявае Радзіму, нашы дзяржаўныя сімвалы, багацце і прыгажосць роднай зямлі, услаўляе мужнасць і працавітасць людзей, прыгожыя мары і памкненні, вучобу і добрыя справы хлопчыкаў і дзяўчынак. Знаёміць з прафесіямі, вучыць любіць і шанаваць бацькоў, Радзіму, усё роднае, займацца спортам, расці ўдзячнымі, працавітымі, шчырымі. Для дзяцей малодшага школьнага ўзросту.

Ліпскі, У. С. Закаханы трэцякласнік : аповесці-казкі / Уладзімір Ліпскі ; мастак Аксана Аракчэева. – Мінск : Мастацкая літаратура, 2019. – 163, [4] с.

Аповесці-казкі Уладзіміра Ліпскага дапамогуць юным чытачам спазнаць чароўны свет жыцця, а ў ім – няпростыя чалавечыя пачуцці і свае абавязкі перад мамай, татам, Радзімай. Казкі “Закаханы трэцякласнік” і “Дабрадзей для ўсіх дзяцей” нібы на розныя жыццёвыя тэмы, але яны аб’яднаныя агульнай мэтай – узбагаціць душу чытача любоўю, дабрынёй, прагай да адкрыццяў, прыгажосці і разумення ўсёй красы зямнога раю. Пра гэтыя складаныя праблемы аўтар піша займальна, даходліва, як вопытны настаўнік і шматгадовы галоўны рэдактар папулярнага дзіцячага часопіса “Вясёлка”.

Скаржынская-Савіцкая, Г. І. Надзейка-чарадзейка : казкі / Ганна Скаржынская-Савіцкая. – Мінск : Беларуская Энцыклапедыя, 2014. – 46, [1] с.

У кнігу Галіны Скаржынскай-Савіцкай “Надзейка-чарадзейка” ўвайшлі дзіцячыя казкі пазнавальнага і павучальнага характару. Хто важнейшы – Хмара або Ручаёк? Чаму Расінка сябруе з Сонечным Зайчыкам? Ці могуць пасябраваць Хітраня і Падскакайчык? Адказы на гэтыя і іншыя пытанні вы будзеце ведаць, калі прачытаеце кнігу.

Дамаронак-Кудраўцава, Т. І. Чароўныя куточкі нашай Радзімы : [казкі] / Таццяна Дамаронак ; мастак Наталля Расолька. – Мінск : Беларусь, 2025. – 85, [2] с.

Зборнік казачных гісторый “Чароўныя куточкі нашай Радзімы” зацікавіць юных чытачоў, якія жадаюць больш даведацца пра цудоўныя жывапісныя мясціны нашай дарагой Беларусі. Чытачы даведаюцца, колькі багацця захоўвае наша Радзіма, якая выдатная і дзіўная яе прырода! І, вядома ж, ім захочацца самім адправіцца ў сапраўднае вандраванне, каб адчуць гэту прыгажосць, дабрыню і любоў роднай зямлі.

Аўласенка, Г. П. Снегавік і Вясна : казачная аповесць / Генадзь Аўласенка ; [мастак А. Карповіч]. – Мінск : Звязда, 2018. – 52, [2] с.

Зімой на ўзлеску вясковыя дзеці вылепілі Снегавіка. Яго нос-морквачка – салодзенькі, смачненькі – прывабіў зайчанят Вушасціка і Таўстуна. А самі зайчаняты вельмі спадабаліся хітрай Лісіцы… З гэтага і пачынаюцца прыгоды герояў у казачным лесе. … Гэта гісторыя пра Снегавіка, які вельмі баяўся прыходу вясны, бо ведаў, што ад сонечнага цяпла ён растане. З дапамогай гэтай казачнай аповесці можна патлумачыць дзецям змены пораў года і выхаваць беражлівыя адносіны да прыроды.

Мушынская, Т. М. Вожыкі ў футбол гуляюць : вершы, апавяданні, казкі / Т. М. Мушынская. – Минск : Литература и Искусство, 2008. – 136 с.

Празаік і паэтэса Таццяна Мушынская шмат гадоў піша для дзяцей. Гэты зборнік будзе цікавы малодшым школьнікам, спатрэбіцца настаўнікам пачатковых класаў, выхавацелям і метадыстам дзіцячых садкоў, а таксама бацькам для сумеснага чытання з дзецьмі. Змешчаныя ў кнізе вершы, апавяданні і казкі адлюстроўваюць дзіцячыя гульні і захапленні, пейзажныя замалеўкі розных пор года, прыроды. Кніга папулярная дзякуючы займальным сюжэтам, якія вучаць дабрыні, дружбе і знаёмяць дзяцей з жыццём прыроды. Маляўнічыя ілюстрацыі вядомай мастачкі Галіны Хінкі-Янушкевіч ствараюць яркі, прывабны вобраз навакольнага свету.

Бунта, Т. П. Дзяўчынка з Вішнёвага завулка : [апавяданні] / Тамара Бунта ; мастак Аксана Аракчэева. – Мінск : Мастацкая літаратура, 2016. – 74, [3] с.

 “Дзяўчынка з Вішнёвага завулка” – дзіцячая кніга беларускай пісьменніцы Тамары Бунты, якая распавядае пра жыццё, радасці і прыгоды дзяўчынкі. Гэта цёплая, павучальная гісторыя, напоўненая светлымі эмоцыямі і дабрынёй, прызначаная для чытання малодшым школьнікам. Кніга папулярная ў Беларусі.