24 лістапада сцены гарадской цэнтральнай бібліятэкі напоўніліся духам прыгод, таямніц і высакароднай даўніны. Тут прайшоў літаратурны вечар-прысвячэнне «Уладзімір Караткевіч – рыцар беларускага слова» для навучэнцаў 10 «Б» класа ДУ «Гімназіі № 3 ім. В. З. Каржа».
З самага парога гімназістаў сустракала атмасфера, натхнёная творчасцю знакамітага пісьменніка. Бібліятэкары нагадалі прысутным пра асноўныя этапы жыццёвага і творчага шляху Уладзіміра Сямёнавіча, а таксама азнаёмілі з невядомымі старонкамі жыцця пісьменніка. Пастараліся паказаць Караткевіча не як памятны партрэт у падручніку, а як жывога, захопленага чалавека, чые словы і сёння поўныя агню і запалу.
На мерапрыемстве гучалі несмяротныя радкі з твораў Уладзіміра Караткевіча. Было асабліва прыемна бачыць, як сучасныя падлеткі пранікаюцца меладычнасцю яго беларускага слова.
Мерапрыемства суправаджалася мультымедыйнай прэзентацыяй, была аформлена кніжная выстава.
