19 лютага ў бібліятэцы-філіяле №5 прайшла літаратурная вандроўка “Падарожжа ў свет беларускай казкі”. Мерапрыемства, у якім прынялі ўдзел навучэнцы 4 “А” класа ДУА “Сярэдняя школа №16 г. Пінска”, прымеркавана да Міжнароднага дня роднай мовы.
Напачатку сустрэчы бібліятэкар паведаміла, што 21 лютага адзначаецца Міжнародны дзень роднай мовы. У кожнага ёсць мова, якую ён называе роднай, мова яго душы. Нам, беларусам, у спадчыну засталася ўнікальная мова – жывая і мілагучная, вытанчаная і ласкавая, прыгожая і кранальная, песенная і паэтычная.
У ходзе мерапрыемства вучні апынуліся ў чароўным казачным свеце.
Дзеці даведаліся пра тое, што такое казка, на якія віды падзяляюцца беларускія народныя казкі, такасама ўзгадалі казкі пра жывёл, чарадзейныя і бытавыя казкі.
Вучні з вялікім задавальненнем прынялі ўдзел у пастаноўцы казкі “Дзедава рукавічка”. Потым дзецям быў прапанаваны творчы конкурс “Мая казка”, дзе яны павінны былі скласці і прадэкламаваць на роднай мове казку. У канцы падарожжа быў прапанаваны ўсім прысутным прагляд беларускай казкі “Піліпка сынок”. Да мерапрыемства была падрыхтавана кніжная выстава “У госці да казкі беларускай”. Лiтаратурнае падарожжа падаравала ўсiм прысутным добры настрой.
