Кніжная выстава “Чытаем па-беларуску разам!”

Альфяровіч, А. Б.  Пінская раніца : вершы / Аляксандр Альфяровіч. – Мінск : Мастацкая літаратура, 2003.  –  93  с.

Паэзія Аляксандра Альфяровіча прасякнута цеплынёй і спагадай да беларускай зямлі, якую ён абараняў у гады ваеннага ліхалецця. Лірычная па сваім пачуццёвым напаўненні, яна – своеасаблівы зварот да людзей, да роднай Піншчыны, да Бога.

Брытун, А. А. Сяліба : аповесць / Анатоль Брытун. –  Брэст : Брэсцкая друкарня, 2015. –  245 с.

Аповесць «Сяліба» адлюстроўвае жыццё селяніна-беларуса на працягу амаль цэлага стагоддзя. Асновай для твора стала кніга «Бежанства 1915 года» – праўдзівыя гісторыі людзей, якія ў маладым узросце пакінулі свае вёскі і падаліся ў невядомы свет. Яны перажылі голад, холад і пекла расійскай рэвалюцыі, але вярнуліся на сваю зямлю, да сваіх сяліб, у атачэнне, якое добра ведалі.

Дудзюк, З. І. Закон захавання кахання : аповесці / Зінаіда Дудзюк. – Мінск : Чатыры чвэрці, 2019. – 233 с. –  (Жаночыя лёсы).

Гераіні кнігі шукаюць шляхі да шчасця і кахання ў межах тых гістарычных умоў, калі ім давалося жыць. Кожная робіць гэта па-свойму, ды занадта пакручастыя, а часам нават трагічныя, выпадаюць ім лёсы.

Зямля бацькоў, святая… :  зборнік вершаў пра малую Радзіму / [укладанне В. Шніпа ; мастакі: А. Астаповіч, А. Гараўскі,  В. Бялыніцкі-Біруля, В. Кубараў і інш.].  –  Мінск : Мастацкая літаратура,  2018.  –  142  с.  –   (100 вершаў)

Радзіма – краіна, горад, вёска, вуліца, дарога, якая вядзе да улюбёнага месца… У кожнага чалавека ёсць мясціна, дзе ён нарадзіўся. Для некага гэта вёска, для некага мястэчка, а для некага — горад. I з гэтых дарагіх і любімых кожнаму з нас мясцін складаецца наша Радзіма  –   Беларусь.

2018 год у нашай краіне – Год малой радзімы. У зборніку “зямля бацькоў, святая…” змешчана 100 вершаў, прысвечаных малой радзіме.

Колас, Я.  Новая зямля  : паэма / Якуб Колас ; [ілюстрацыі  В. П.  Шаранговіча ; прадмова А. Мальдзіса].  –   Мінск : Мастацкая літаратура,  2014. – 483  с.

Паэма Народнага паэта Беларусі Якуба Коласа “Новая зямля” – першы беларускі буйны эпічны твор. Гэта кніга, якая павінна быць у біблятэцы кожнага, хто лічыць сябе беларусам. Не толькі таму, што гэта першая нацыянальная паэма, якую справядліва лічаць энцыклапедыяй жыцця беларускага сялянства, класічным творам нашай літаратуры, а перад усім таму, што гэта выдатная паэзія. Сам Якуб Колас лічыў яе асноўнай паэмай ва ўсёй сваёй паэтычнай творчасці.

Ліпскі, У. С. Мая Беларусь : аповесць-споведзь / Уладзімір Ліпскі ; [мастак В. Дударэнка].  – Мінск : Адукацыя і выхаванне, 2018. –  79 с.

Аўтар кнігіі запрашае юных чытачоў у займальную вандроўку па гісторыі і абшарах Беларусі. Ён шчодра дзеліцца любоўю да роднага краю, да яго слаўных жыхароў і дасягненняў, захапляецца прыгажосцю святынь, роднай мовы і напаўторнасцю жывой прыроды. Усё гэта складаецца ў цудоўны ўзор і становіцца займальнаым урокам, на якім дзеці вучацца любіць і берагчы Радзіму.

Мілыя вобразы роднага краю : выбраныя вершы беларускіх паэтаў пра беларускую прыроду / [укладанне В. А. Шніпа ; мастак Н. Барай]. –  Мінск : Мастацкая літаратура,  2023. – 125  с.  –  (100 вершаў)

У зборнік увайшло 100 вершаў пра беларускую прыроду, якія былі напісаны паэтамі розных пакаленняў і ў розныя гады ХХ і ХХІ стагоддзяў. Многія з іх сталі класікай і вывучаюцца ў школе.

Мы  –  беларусы : выбраныя вершы беларускіх паэтаў пра беларусаў / [І. Пракаповіч і інш. ; укладанне В. А. Шніпа ; мастакі: Г. Скрыпнічэнка і інш.].  –  Мінск : Мастацкая літаратура,  2022.  –  126 с.  –   (100 вершаў)

У шматвяковую гісторыю нашай краіны ўпісаны сотні і сотні імён беларусаў, чые постаці ўвекавечаны ў назвах праспектаў і вуліц, скульптарамі створаны велічныя помнікі, мастакамі напісаны карціны, а паэтамі  –  вершы. У кнігу «Мы –  беларусы» ўвайшло толькі 100 вершаў з некалькіх тысяч.  Сярод аўтараў  –  класікі і нашы сучаснікі.

Ручаёк гаварлівы : вершы / [Т. Лазнюха, В. Курдзюмава ; прадмова А. Шушко].  – Брэст : Альтернатива,  2012.  – 138 с.

Новая кніга Тамары Лазнюхі і Вольгі Курдзюмавай “Ручаёк гаварлівы” – жаданне аўтараў данесці да чытача паэтычным радком прыгажосць, мілагучнасць роднай беларускай мовы ў вершах пра Радзіму, пра каханне, пра добрых людзей, з якімі пашчасціла сустрэцца на жыццёвым шляху.

Чыстая музыка неба : вершы паэтаў Брэстчыны / укладальнік В. Шніп ; прадмова А. Карлюкевіча].  –     Мінск  :  Звязда,  2023.  –  134 с.

У паэтычным зборніку “Чыстая музыка неба” сабраны лепшыя творы знакамітых сыноў Брэстчыны: Міколы Антаноўскага, Міколы Бусько і Анатоля Шушко. Вершы паэтаў-землякоў напоўнены глыбокім лірызмам, шчырай любоўю да роднай зямлі, філасофскімі разважаннямі пра сэнс жыцця і месца чалавека на зямлі, а таксама шчымлівымі ўспамінамі пра бацькоў і пранікнёнымі прысвячэннямі людзям што пакінулі пэўны след у лёсах паэтаў…

Шушко, А. Паэзія  –  душы маёй суладдзе : вершы / Анатоль Шушко ; [укладальнік Л. Шушко].  –  Мінск : Деловая печать, 2020. –  187 с.

  Другая пасмяротная кніга Анатоля Шушко (1954 -2018). Зборнік склалі вершы, якія не ўваходзілі ў папярэднія кнігі паэта – “Выток і прычасце” (1994), “Шаны” (2012), “Сэрцу соладка, ясна, трывожна” (2019).

Янішчыц, Я. І. Пачынаецца ўсё з любві…  : вершы, паэмы / Я.І.Янішчыц.  –   Мінск : Мастацкая літаратура, 2008. –   339 с.  –  (Беларуская паэзія ХХ стагоддзя).

Лаўрэат дзяржаўнай прэміі Беларусі імя Янкі Купалы і прэміі Ленінскага камсамола Беларусі, Яўгенія Янішчыц сваімі арыгінальнымі, рамантычна-узвышанымі і ў той жа час задушэўна-інтымнымі вершамі даўно вядома шырокаму колу чытачоў. Тонка адчуваючы сваю кроўную сувязь з роднай зямлёй, паэтэса ўражвае глыбінёй асэнсавання складаных праблем сучаснасці, прагай сцвярджэння высакародных адносінаў паміж людзьмі.

У кнігу ўвайшло лепшае з напісанага паэтэсай.