Бібліятэка-філіял №7 запрашае юных прыхільнікаў чытання наведаць кніжную выставу “Новыя выданні. Нам ёсць чым здзіўляць!”, прысвечаную Міжнароднаму дню роднай мовы.
Да ўвагі наведвальнікаў – новыя кнігі вядомых дзіцячых пісьменнікаў, якія адразу прыцягваюць увагу рознакаляровай вокладкай.
Захапляльныя гісторыі, у якіх знойдзецца месца незвычайным персанажам і неверагодным прыгодам чытаюцца на адным дыханні.
Запрашаем усіх жадаючых здзейсніць цікавае і пазнавальнае “падарожжа” па каляровых старонках цудоўных кніг!
-
- Лес – гэта цудоўны казачны свет, у якім заўжды знойдзецца месца і для незвычайных дзівосных персанажаў, і для неверагодных прыгод. Тут нясумна праводзіць ночы маладзенькая цікаўная асінка Барвуля. Яна ўважліва слухае захапляльныя гісторыі сваіх старэйшых лясных суседзяў – Шэрага Каменю, цётухны Хвоі і пня Дубадума.
-
- У кнізе сабраны добрыя і пазнавальныя казкі і апавяданні. Іх героі – дзяўчынкі і хлопчыкі, а таксама казачныя персанажы, у ролі якіх выступаюць расліны, жывёлы, розныя бытавыя прадметы, цацкі і чараўнікі. З імі цікава, і яны шмат чаго могуць распавесці, бо ўсе яны вясёлыя, кемлівыя, чулыя да чужой бяды, разумныя і таленавітыя.
-
- У кніжку Клаўдзіі Каліны “Каляровыя месяцы” ўвайшлі яе найбольш вядомыя казкі і апавяданні, якія даўно палюбіліся юным чытачам, і многія з якіх вывучаюцца ў школе.
-
- Аўтар у займальнай гульнявой форме апавядае пра найвыдатнейшых мастакоў, іх лёсы, карціны, якія захоўваюцца ў фондах Нацыянальнага мастацкага музея Рэспублікі Беларусь. Густоўна падабраныя класічныя карціны слынных мастакоў, на якіх увекавечаны вобразы дзяцей.
-
- Усё пра ваду і тое, што з ёю звязана, – так можна вызначыць яе тэматычны кірунак. Вельмі карысна будзе юнаму чытачу даведацца пра беларускія рэкі і іншыя водныя аб’екты.
-
- Для клапатлівых бацькоў Чарнічны Мішка з яго календаром стане добрым дарадцам. Кожны знойдзе сабе свята па душы, а можа, нават пакладзе пачатак арыгінальным сямейным традыцыям.
-
- Гэты жахлівік Кацярыны Хадасевіч-Лісавой – для самых смелых чытачоў, якія не пабаяцца скласці кампанію галоўнаму герою аповеда – хлапчуку Раману і разам з ім адправяцца праз гэту кнігу ў летнік, што размясціўся ў лесе каля вёскі Жахлівай.
-
- Галоўная гераіня кнігі – вясёлая і цікаўная лісачка Красуня. Пра вясёлыя прыгоды, цікавыя забавы, неверагодныя здарэнні і дэтэктыўныя гісторыі і раскажа гэта кніга. Лісачка запрашае чытачоў у Дзівосны лес! Уваход – пад вокладкай!
-
- Популярная белорусская сказочница Надея Ясминска собрала под обложкой этой познавательной и увлекательной книги самых известных чудищ со всего мира. Вы узнаете, как распознать существо, где можно его встретить, чего ожидать, как защититься или победить (последнее особенно важно, ведь каждому чудищу нужно уметь противостоять). А ещё о каждом персонаже можно прочитать короткую удивительную или смешную историю.
-
- Кніга дае магчымасць патрапіць у дзівосны свет, дзе валадарыць дабрыня, а людзі чулыя і спагадлівыя. Вас чакаюць захапляльныя прыгоды, знаёмства з хлопчыкамі і дзяўчынкамі, якія, як і вы, гуляюць, вучацца, займаюцца творчасцю і спортам. А яшчэ яны любяць родную мову, шануюць старэйшых, стараюцца быць смелымі і дружнымі.
-
- Кніга пазнаёміць чытачоў з самай абаяльнай зоркай, якая таемна пабывала на Зямлі. Фантастычныя пераўвасабленні і казачныя падзеі… Праз усё гэта давядзецца прайсці юным чытачам з незвычайным персанажам кнігі.
-
- У кнігу ўвайшлі вершы і апавяданні пра школьнае жыццё, беларускія народныя казкі і творы пра адносіны да працы, многія з якіх рэкамендаваныя для пазакласнага чытання ў 2-м і 3-м класах.
-
- Гэта аповесць пра дзяўчынку Дашу, якая разумее мову дрэў, кветак, птушак, жукоў і матылькоў. Яе дом нагадвае казачны церам. А побач з ім – цудоўны сад, поўны дзіўных матылькоў. Усе насельнікі саду лічаць, што іх Прынцэса – самая шчаслівая на свеце, бо ездзіць на вазку. Але яны не разумеюць, што вазок гэты – інвалідны.
Спіс літаратуры:
- Бунта, Т. П. Сад з матылькамі : [аповесць-казка / Тамара Бунта ; мастак Аксана Аракчэева. – Мінск : Мастацкая літаратура, 2020. – 142, [1] с.
- Валодзька, С. В. Чароўныя чаравічкі : казачныя апавяданні / Станіслаў Валодзька ; [малюнкі Д. А. Юцовай]. – Мінск : Чатыры чвэрці, 2023. – 46 с.
- Валхоўская, А. В. Чарнічны Мішка. Каляндар летуценнікаў : [для дзяцей малодшага ўзросту] / Анастасія Валхоўская ; мастак Яна Фефелава ; [пераклад з рускай мовы В. Рацэвіч]. – Мінск : Мастацкая літаратура, 2020. – 59, [4] с.
- Дамаронак-Кудраўцава, Т. І. Сінічкіны званочкі : казкі і апавяданні / Таццяна Дамаронак ; [мастакі: В. Ерковіч, М. Райкова]. – Мінск : Беларусь, 2023. –100, [3] с.
- Каліна, К. К. Каляровыя месяцы : казкі і апавяданні / Клаўдзія Каліна ; [укладальніца А. В. Спрынчан ; мастак М. Ю. Дайлідаў]. – Мінск : Мастацкая літаратура, 2023. – 61, [2] с.
- Карлюкевіч, А. Цёплыя назвы Яе Вялікасці Вады : нарысы і казкі / Алесь Карлюкевіч ; [мастак Т. Шэлест]. – Мінск : Звязда, 2020. – 37, [2] с.
- Міус, Ж. В. Казачныя ночы Барвулі : [казкі / Жанна Міус ; [мастак С. І. Стахоўская]. – Мінск : Беларусь, 2023. – 59, [4] с.
- Радзікевіч, А. В. Дзеці ў шэдэўрах мастацтва : [для дзяцей малодшага школьнага ўзросту] / Анастасія Радзікевіч ; [уступнае слова Уладзіміра Пракапцова ; у афармленні кнігі выкарыстаны фотаздымкі з дзецьмі Дзмітрыя Сапсая і мастацкія работы Яны Войцік ; Нацыянальны мастацкі музей Рэспублікі Беларусь]. – Мінcк : Адукацыя і выхаванне, 2022. – 55, [1] с. – (Серыя “Бібліятэка часопіса “Вясёлка”).
- Хадасевіч-Лісавая, К. С. Зорка нябесная, зорка зямная : казачная аповесць / Кацярына Хадасевіч-Лісавая ; [мастак А. Грубін]. – Мінск : Народная асвета, 2020. – 71, [1] с. – (Краіна цудаў).
- Хадасевіч-Лісавая, К. С. Новыя прыгоды лісачкі Красуні : казачная аповесць / Кацярына Хадасевіч-Лісавая ; [мастак Д. М. Бецун]. – Мінск : Звязда, 2023. – 179, [3] с. – (Казкі Кніжнай феі).
- Хадасевіч-Лісавая, К. С. Па чырвоных стрэлках… : жахлівік / Кацярына Хадасевіч-Лісавая ; [мастак Д. М. Бецун]. – Мінск : Звязда, 2023. – 37, [2] с. – (Казкі Кніжнай феі).
- Хітры дзённік : творы пра школу / укладальніца А. В. Спрынчан]. – Мінск : Мастацкая літаратура, 2023. – 341, [1] с.
[свернуть]
