Паважаныя чытачы!
Запрашаем Вас наведаць бібліятэку-філіял №1, дзе вашай увазе прадстаўлена кніжная выстава “Беларусь вядомая і невядомая”. Мы прапануем пазнаёміцца з кнігамі, у якіх расказваецца пра помнікі прыроды і архітэктуры, народную творчасць, пра самыя цікавыя месцы Беларусі і нш.
Чакаем вас па адрасе: пр-т Жалтоўскага, 19.
-
- Наша краіна багатая дзівоснымі крыніцамі, азёрамі і рэкамі. Кожны з вадаёмаў – гэта не толькі асобая экасістэма, але і пэўны навакольны духоўны асяродак, што мае сваю гісторыю, свій сакральны свет. Выкладзеныя ў кнізе звесткі пра жыватворныя крыніцы адкрываюць яшчэ адну старонку ў духоўнай культуры нашага народа.
-
- У кнізе падрабязна апісваюцца тэхнікі вырабу традыцыйных паясоў, аналізуюцца спосабы ўтварэння ўзораў, даследуюцца кампазіцыйна-арнаментальныя схемы, выкладаюцца прыёмы афармлення канцоў паясоў. Альбомная частка кнігі ўтрымлівае схемы ўзораў, фотаздымкі традыцыйных і сучасных паясоў. Прызначана ўсім, хто цікавіцца традыцыйнымі беларускімі паясамі і жадае навучыцца іх вырабляць.
-
- Ты трымаеш у руках кнігу, якая дапаможа табе больш даведацца пра твой край,твой род і пра самога сябе. Каб лепей зведаць сябе, трэба адчуць і зразумець тую Зямлю, на якой жывеш, тых людзей, што дзеілі на ёй не толькі дзесяткі, сотні, а і тысячі гадоў таму.
-
- Кніга расказвае пра моц цудатворнага абраза Жыровіцкай Божай Маці, несмяротнае слова і мужнасць абаронцаў гераічнай Брэсцкай крэпасці, Камянецкай вежы, Мірскі замак…І гэты напамінак, як і званы летапіснай Нямігі, дапаможа табе зразумець, што завецца дарагім і родным, непаўторным і адзіным словам – Беларусь.
-
- Нашы продкі нястомна імкнуліся да святла ісціны і праўды. Таму на ўсім гістарычным шляху пакідалі свае памятныя адзнакі, свае апазнавальныя знакі. Разгарні кнігу і ты пераканаешся ў справядлівасці гэтага. Цягам пяці стагоддзяў узвышае людскі дух цудатворны Мінскі абраз Божай Маці. Прамудрасцю Боскай асвятляе беларускі шлях Полацкая Сафійка. Згублены ў часе крыж Льва Сапегі праменіцца не толькі святасцю, а і душэўнай шчырасцю і шчодрасцю яго стваральніка і фундатара.
-
- У кнізе сабраны ўнікальны матэрыял пра народнае мастацкае ткацтва і вышыўку. Праз даваенныя запісы, замалёўкі і фотаздымкі вобразна і рознабакова раскрываецца паэтычная душа беларускага народа, яго бачанне прыроды і яе ўзаемасувязі з чалавекам і яго жыццём. Выданне багата ілюстравана (каля 600 чорна: белых і каляровых фотаздымкаў і малюнкаў).
-
- Выданне ў даступнай, папулярнай форме асвятляе адзін з важнейшых відаў традыцыйнай культуры Беларусі – народнае дэкаратыўна-прыкладное мастацтва, мастацкія рамёствы і промыслы. Разглядаюцца набыткі і традыцыі мастацкай апрацоўкі дрэва, ганчарства, тэкстылю, пляцення з прыродных матэрыялаў і іншых відаў народных мастацкіх рамёстваў, вызначаецца іх нацыянальная адметнасць, характарызуецца сучасны стан, выяўляюцца бліжэйшыя перспектывы бытавання і развіцця. Прызначаецца ўсім, хто цікавіцца набыткамі традыцыйнай мастацкай культуры Беларусі.
-
- Наш гістарычны шлях увабраў тое, што было даўней – яшчэ да хрысціянства. Шмат стагоддзяў існавала язычніцтва, людзі шукалі магчымасць гарманічна жыць з прыродай і ў самой прыродзе. Пакланяліся сонцу, вадзе, зямлі, лесу, небу – усяму таму, ад чаго залежала іхняе жыццё, праца земляроба, што магло зрабіць чалавека багатым і шчаслівым. Сёння шмат з таго даўняга стала міфамі, легендамі, захоўваецца ў якасці народных звычаяў і свят. Пярун. Ляля. Лада. Род. Купалле. Зюзя. Жыжа. Сварог. Жыцень…
-
- Гэта кніга, створаная на мяжы XX і XXI стагоддзяў, адкрывае серыю літаратурна-мастацкіх выданняў з аднаймённай назвай «Сем цудаў Беларусі». У наступных кнігах серыі – легенды пра чароўныя пацеркі – рэкі і азеры, апавяданні аб легендарных беларускіх гарадах, рэдкіх і зніклых птушках і жывёлах нашага краю, а таксама шмат іншага, цікавага і пазнавальнага.
-
- Гэтая кніга пра замак продкаў Радзівілаў. Паверце, шмат хто з князёў Радзівілаў фундаваў нямала сродкаў і свайго прыроднага таленту, каб пакінуць добры след у гісторыі зямлі, на якой яны жылі, на якой цяпер жывяце вы. Прачытаўшы яе, веру, вам захочацца пабываць у незвачайным гістарычным, рэліквійным музеі.
-
- Чарговая кніга з серыі “Сем цудаў Беларусі” прысвечана лёсам толькі некаторых прадстаўнікоў даўніх і знакамітых родаў, што жылі некалі на беларускай зямлі. Яны праславілі яе і праславіліся самі ратнымі подзвігамі, мудрай палкаводчай, дзяржаўнай і палітычнай дзейнасцю ў Вялікім княстве Літоўскім і Каралеўстве Польскім. Многія праявілі сябе мецэнатамі, падтрымлівалі развіццё навукі, культуры і мастацтва, спрыялі пашырэнню адукацыі сярод простага люду.
-
- У кнізе расказваецца аб гісторыі Слуцкай мануфактуры, разглядаюцца мастацкія асаблівасці і асноўныя віды слуцкіх паясоў , іх месца ў кунтушовым строі – старадаўнім касцюме беларускай шляхты і заможнага мяшчанства. Змешчаныя ў лексіконе назвы, паняцці і тэрміны дазваляюць скласці больш поўнае ўяўленне аб слуцкіх паясах і ацаніць іх як неаддымную частку еўрапейскага мастацтва і побытавага тэкстылю XVIII–пачатку XIX ст.
-
- Кніга расказвае пра найбольш значныя і займальныя старонкі гісторыі Нясвіжскага замка, горада Нясвіжа і роду князёў Радзівілаў, якія лічыліся некараванымі каралямі. Сёння архітэктурна-культурны комплекс рэзідэнцыі Радзівілаў у Нясвіжы ўключаны ў Спіс сусветнай спадчыны ЮНЕСКА.
-
- В книге рассказывается о семи чудесах древнейшего первобытного леса Европы – Беловежской пущи, среди которых дуб-патриарх и квакша-древесница, зубр и болото Дикое. Даются также интересные энцоклопедические сведения.
Список литературы:
- 7 чудес Беловежской пущи / автор-составитель Т. И. Жуковская. – Мінск : Беларуская Энцыклапедыя iмя П. Броўкi, 2009. – 88 с.
- Лазука, Б. А. Слуцкія паясы і еўрапейскі тэкстыль XVIII стагоддзя. Малы лексікон / Б. А. Лазука ; [фота: Б. А. Лазука, М. П. Мельнікаў]. – Мінск : Беларусь, 2015. – 170, [2] с.
- Бутэвіч, А. І. У гасцях у вечнасці : для малодшага і сярэдняга школьнага ўзросту / Анатоль Бутэвіч. – Мінск : Кавалер Паблішэрс, 2001. – 30, [1] с.
- Бутэвіч, А. І. Славутыя родам сваім : [для малодшага і сярэдняга школьнага ўзросту] / Анатоль Бутэвіч ; [ілюстрацыі П. Татарнікава]. – Мінск : Мінская фабрыка каляровага друку, 2006. – 30, [1] c.
- Ягоўдзік, У. І. Сем цудаў Беларусi : для малодшага і сярэдняга школьнага ўзросту / У. І. Ягоўдзік ; мастак П. Татарнiкаў. – Мінск : ВТАА “Кавалер Паблiшэрс”, 1999. – 32 с.
- Бутэвіч, А. І. Адвечны покліч Радзімы : для малодшага і сярэдняга школьнага ўзросту / А. І. Бутэвіч. – Мінск : УП “Мінская фабрыка каляровага друку”, 2004. – 32 с.
- Бутэвіч, А. Таямніцы Нясвіжскага замка : падарожжа ўглыб стагоддзяў з Уладзіславам Сыракомлем / Анатоль Бутэвіч ; [фота: У. Шолк і інш.]. – Мінск : Звязда, 2013. – 190, [1] с.
- Бутэвіч, А. І. Перуновага племені дзеці : [для малодшага і сярэдняга школьнага ўзросту] / Анатоль Бутэвіч ; [ілюстрацыі П. Ю. Татарнікава]. –Мінск : Мінская фабрыка каляровага друку, 2008. – 27, [4] c.
- Зайкоўскі, Э. М. Жыватворныя крыніцы Беларусі / Э. М. Зайкоўскі, Л. У. Дучыц. – Мінск : Ураджай, 2001. – 111 с.
- Бутэвіч, А. І. Званы Нямігі : [для малодшага і сярэдняга школьнага ўзросту] / Анатоль Бутэвіч ; [ілюстрацыі П. Татарнікава]. – Мінск : Кавалер Паблішэрс, 2002. – 27, [4] c.
- Ткачев, М. А. Замки Беларуси / М. А. Ткачёв. – Минск : Беларусь, 2002. – 200 с.
- Васа Беларускія народныя паясы : тэхнікі вырабу, арнамент : [у т. л. сабраныя на тэрыторыі Брэсцкай вобласці] / Манахіня Васа (Селівончык) ; [фота: Д. М. Казлоў]. – Мінск : Беларуская навука, 2014. – 302, [1] с.
- Сахута, Я. М. Народнае мастацтва / Я. М. Сахута. – Мінск : Беларуская навука, 2015. – 179, [1] с
- Гусоўскі, М. Песня пра зубра : [паэма] / Мікола Гусоўскі ; [пераклад з лацінскай мовы і прадмова Я. Семяжона ; мастак А. М. Кашкурэвіч]. – Мінск : Мастацкая літаратура, 2007. – 70, [1] c.
- Кацар, М. С. Беларускі арнамент : ткацтва, вышыўка / М. С. Кацар ; [пераклад з рускай мовы, літаратурная апрацоўка і навуковая рэдакцыя Я. М. Сахуты ; фота: М. С. Кацар і інш.]. – 2-е выданне. – Мінск : Беларуская Энцыклапедыя, 2009. – 223 с.
- Радзікевіч, А. В. Скарбы Нясвіжскага замка : [для малодшага школьнага ўзросту] / Анастасія Радзікевіч. – Мінск : Адукацыя і выхаванне, 2021. – 56 с.
[свернуть]
